Les dernières actualités
Les Pyrénées-Atlantiques
12 juin 2019 - actualité
13 avril 2018 - actualité
09 avril 2018 - actualité
En poursuivant votre navigation sur ce site, vous acceptez l'utilisation de Cookies pour réaliser des statistiques de visites.Cliquez ici pour en savoir plusX
MécaMx 64 qu'ei vaduda de l'idea de duas associacions qui an creat un talhèr tecnic on lo monde que podèvan apréner a entertiéner lors ciclomotors e a perfeccionar la lor conduita. Despuish un an, MécaMx 64 qu'ei ua associacion independenta. Qu'obreish los locaus sons deu 3, carrèra Tovar a Morencs cada dimèrcs vrèspe e cada diluns ser. Lo monde qu'i pòden viéner tà reparar o tà entertiéner lor ciclomotor o los qui son estats balhats a l'associacion.
Qu’i a quitament los documents qui cau tà s'entrainar tau BSR. MécaMx 64 qu'organiza tanben viatges : un còp l'an, que perpausa ua sortida qui mescla culturau e passion deus duas-arròdas. Per exemple, que van tà Barcelona en s'arrestar en camin dens ua usia de fabricacion de motors. Tot an que participan a l'operacion « Des tasses pour un bol ». Que van en ciclomotor dinc a la rondalèra de Magny-Cours de Nevers, a 800 km.
L'an qui vien, que perpausaràn sejorns de vacanças on los joens que poderàn passar lo BSR e rotlar de cap a 300 km en totas circonstàncias tà's hargar un capitau de circulacion. « Qu'ei en rotlar hèra e en estar enquadrat que se harga ua identitat de conductor », ce ditz B. Roubinet de MécaMx 64.
Aute projècte : un garatge associatiu mòto. Qu'averà per prètzhèit de hicar en comun sabers e utís tà entertiéner lo ciclomotor. Lo monde qu'i poiràn har la mecanica d'entertien corrent, acompanhats peus autes aderents o per l'animator de l'associacion. Mes, tà B. Roubinet, « que serà tanben l'escadença de partatjar auta causa e de s'encontrar. »