Quan los collègis e vienen numerics

L'emplec de las tecnologias numericas qu'ei a desvolopà's dens los collègis publics. Qu'ei la fruta deu plan "collègi numeric 64” miat peu Conselh generau en collaboracion dab l'Educacion nacionau e l'Agéncia Departamentau deu Numeric. Dejà, despuish dus ans, los establiments que son passats a la fibra optica en plaça de l'ADSL. Per çò qui ei de l'equipament, totas las salas de classa que dispausaràn d'un video-projector e ua sala de dus que dispausarà d'un tablèu numeric. En mei d'açò, lo Conselh generau qu'avia ua mesa a nivèu deus hialats numeric e electric deus collègis. Que hica tanben a la lor disposicion de personaus sons entà assegurar ua mantenença informatica.

Los collègis que deven tanben signar un "contracte numeric” dab lo Departament. Que son contractes de tres ans qui garanteishen un sostien financèr entà un projècte numeric qui acompanha lo projècte d'establiment. Que pòt servir per exemple (com au collègi Marracq a Baiona), a desvolopar l'utilizacion de la Musica Assistida per Ordenador (MAO) en finançar la crompa de materiau e de logiciaus adequats. En mei d'aqueths contractes de tres ans, lo Conselh generau que lança tot an un aperet a projèctes numerics innovants.