Anglet vila d'arts

Augan qu'ei la cincau edicion de la biannau d'art contemporanèu d'Anglet. Que's harà deu 24 de mai dinc au prumèr de seteme. Qu'investirà la vila sancèra puish que serà en mantuns lòcs. Que serà per la còsta, au barri de La Barra, a la galeria Georges Pompidou, au centre comerciau BAB2 o enqüèra a la villa Beatrix Enea.

Ad aqueth parat, artistas que vieneràn crear suu lòc e d'autes que haràn bastir las lors installacions aus talhèrs de la SAREM entà expausar-las tà tota la durada de la biannau. Percors pedagogics que seràn perpausats a las familhas qui seràn acompanhadas per mediators culturaus. Que sensibilizaràn lo monde a l'art contemporanèu qui ei sovent considerat (a tòrt) com inaccessible tau gran public.

Tags

Bouton Haut de page